Антена 5 Вести

Rod Stewart ќе ги затвори Brit Awards

Rod Stewart ќе го затвори престојното издание на Британските музички награди со специјален настап!

Ова ќе биде вторпат музичката легенда да настапи на наградите, по 1993 кога исто така му беше врачена наградата за Особен придонес кон музиката.

Stewart се смета за еден од најголемите рокенрол ѕвезди на сите времиња со фантастична кариера во рамките на која може да се пофали со десет бр.1 албуми и 26 топ 10 синглови во Британија. Неговите албуми се продадени во тираж од над 250 милиони примериоци во глобални рамки.

Оваа музичка легенда е се уште активна. Во 2019 го издаде албумот 'You're In My Heart: Rod Stewart With The Royal Philharmonic Orchestra', кој се пласираше на 1 позиција на британската албумска листа каде остана три недели.

Меѓу големите хитови на Stewart се вбројуваат 'Gasoline Alley', 'Every Picture Tells a Story', 'Mandolin Wind', 'You Wear It Well',  roj'The Killing of Georgie', 'Tonight's the Night', 'You're In My Heart (The Final Acclaim)', 'Do Ya Think I'm Sexy?'', 'Maggie May' ...

Британските музички награди ќе се одржат во лондонската О2 Арена на 18 февруари. На наградите ќе настапат уште Billie Eilish, Celeste, Dave, Harry Styles, Lewis Capaldi, Lizzo, Mabel и Stormzy!

Антена 5 радио ќе биде присутна во Лондон за наградите со своја екипа и подготвува, како и секогаш, специјална програма посветена на најзначајната ноќ во британскиот музички календар која ќе биде пренесувана во живо.

12.02.2020
Музички времеплов
  • 2001 - Whitney Houston влегува на листата на најплатени музичари во светот по потпишувањето нов договор со Arista records, вреден 100 милиони долари.
  • 1994 - Гитаристот на Manic Street Preachers, Richey Edwards пренесен е во болница поради нервна исцрпеност.
  • 2000 - UK No.1 Robbie Williams 'Rock DJ'.
  • 1929 - Роден е Mike Elliot од Foundations (1967 UK No.1 'Baby NowThat I've Found You'; 1969 USА No.3 'Build Me Up A Buttercup').
  • 1989 - Adam Clayton од U2 уапсен е во Даблин поради поседување дрога, која планирал да ја препродаде на друга личност.
  • Повеќе
Фреквенции
Скопје