Антена 5 Вести

Познат победникот на Critic’s Choice

Објавен е победникот на Critic’s Choice наградата во рамките на Британските музички награди 2019. Тоа е Sam Fender.

Тој ја добива наградата во значаен момент за неговата кариера. Во последните месеци беше зафатен со турнеја низ Британија и Европа, полека градејќи ја својата армија на лојални фанови. Овој млад музичар со база во Њукасл неодамна го издаде и своето деби  EP, “Dead Boys”.

За Critic’s Choice наградата годинава беа номинирани уште Lewis Capaldi и Mahalia. Наградата им се доделува на талентирани музичари на кои им се предвидува успех во  годината која претстои, а во која треба да го издадат својот деби албум. За победникот гласа специјален експертски тим составен од музички уредници во поголемите британски весници, музичките и лајф списанија и музичките веб сајтови, како и главните луѓе од големите ТВ и радио станици.

Претходни добитници на Critic’s Choice наградата се Adele, Florence + The Machine, Emeli Sande, Sam Smith, Rag’n’Bone Man и Jorja Smith.

Номинациите за Британските музички награди 2019 ќе бидат објавени на 12 јануари, а новото издание на наградите ќе се одржи на 20 февруари во лондонската Арена.

28.12.2018
Музички времеплов
  • 1987 - UK No.1 Pet Shop Boys 'It's A Sin'
  • 1977 - Басистот Gary Valentine ги напушта Blondie, наведувајќи го како причина својот 'уметнички интегритет'.
  • 2003 - Поради откажување на работата на бубрезите, на 58 години умира американскиот соул пејач и продуцент Barry White. You're The First, The Last My Everything
  • 1982 - Ozzy Osbourne се жени со Sharon Arden, ќерка на музичкиот бизнис менаџер Don Arden.
  • 1999 - Victoria 'Posh Spice' Adams се мажи со фудбалерот David Beckham. Потпишуваат договор од 1 милион фунти за магазинот OK да има право на објавување ексклузивни фотки од свадбата.
  • Повеќе
Фреквенции
Скопје